我21歲，男，A0，係番part time既時候識咗位18歲既女同事，佢份人好含蓄同埋好怕羞。
咁佢係上年7月入職而我係8月先同佢開始有話題傾，佢屋企人係大陸到住，而係香港既親戚關係又唔太好，所以成日都唔想番屋企咁同埋想快d搬出去住。
去到10月頭既時候，佢就話想我陪佢去整手機既野，咁我覺得冇問題，佢屋企人又唔係香港，同親戚又唔好，所以就照約咗出嚟，原本諗住整完就番歸，點知佢又話唔想咁快走，想周圍行下。咁我都ok，我番屋企都係打機，咁咪陪行la，就由朝行行到夜晚10.00，之後出完街，仲wts番我話出嚟好開心，番到屋企要講聲咁。
自從出咗嗰次街之後，佢就每逢我day off同唔洗番工既日子就約我，我都覺得幾開心，始終第一次有女咁主動約我，仲要食飯嗰d全aa。佢每次出街都主動同我合照，行街都行得勁close，我嗰時已經沉沉地船，所以同佢出街仲大膽咁捉佢手行，但捉咗幾秒我就放咗手，費時暗示得咁明顯。
去到平安夜，聖誕節，過年，因為佢咁啱報咗要番工，冇放假，所以我就係呢幾日都約佢放工食飯，佢全部都接受，冇拒絕過我！
我不時番工既時候都聽到公司同事話佢親口同佢哋講話我對佢好好，對我有feel，想同我一齊，仲要係同其他同事wts對話到見到添！我嗰時其實都已經對佢勁有feel，沉晒船，所以就決定去表白！
去到前幾日，我好撚緊張同佢表白，但唔知點解比佢拒絕，佢話唔鍾意我，只係想同我做朋友！ 我當時聽到係即刻好想死，佢唔係係咁同人講對我有feel咩？ 如果話同事呃我，但有埋對話紀錄wo，我真係唔知點解。 自從沉船嗰刻，我都更加注重自己外表，特登去換咗穿搭，佢仲話係佢鍾意既style！！！
有冇人可以解釋到，係咪發展得太快，定係真係我問題？
轉載自Couple.murmur 港愛情 [bfmurmur1848]
