三年前同個ex係交友app認識, 當時我27歲, 而佢24歲, 話自己A0, 仲係處。我同佢相處既過程當中, 好多位都好怕醜或者唔想進度太快, 所以我都相信可能係佢第一次拍拖。
直到一齊一個月左右, 佢因為一件好小事既問題同我嘈, 仲block晒我所有野。果晚我上去佢屋企搵佢, 見佢準備出門 , 仲求佢原諒我。之後佢朋友打電話俾佢, 我就行左出廳等, 我諗住兩個女仔講電話, 就留返d私隱俾佢地。但由於當時佢屋企極度安靜, 我聽到佢朋友同佢既對話內容居然係原來佢特登搵野同我嘈, 為左同佢朋友一齊去搵成班男仔開party。等佢收左線之後, 我平心靜氣咁問佢一句, 呢個先係真正原因? 佢話我發癲, 仲因為我係到阻頭阻勢搞到佢去唔成而嬲返我轉頭。
跟住既大半年, 佢身邊都有好多男性既新朋友, 我亦唔想再理。之後我要去外國出trip一個月, 佢好罕有地主動邀請我同佢做。我好驚訝問佢, 之前佢一直都好被動, 近呢半年直情冇發生過關係, 點解今次咁熱情, 佢話想俾surprise我。佢係我出trip返黎之後同我講佢有左, 我好懷疑個肚係唔係我。我話BB出左世之後想去驗DNA, 佢話我唔信佢, 所以要同我分手, 同埋轉其中一層樓俾佢同BB生活, 最後我選擇俾左一筆錢佢。
隔左一年多, 我認識左現任, 佢大我5歲, 我地都係專業人士。我地一齊左將近一年, 感情尚算穩定, 亦有結婚既打算。上個月有一晚我上左佢屋企, 用緊佢電話叫外賣既時候, 上面有msg彈出黎, 所以唔小心點到就入左去。內容係對方話又想咬佢, 佢問人地幾時過黎搵佢, 對話極度曖昧。我冇繼續碌上去睇, 但退左出去之後, 發現仲有另一個人既對話好奇怪。忍唔住點開黎睇, 原來佢地冇幾耐之前去過開房, 仲稱呼對方做王上, 而佢自稱臣妾 。睇到呢到, 佢衝過黎搶返部電話, del晒d msg, 問我做咩check佢電話。
佢解釋話每次都只係因為我地兩個嘈交, 先同人傾下計, 單純朋友關係。我問佢點解同我嘈就要搵人傾埋d咁曖昧既對話, 佢話呢兩個男既我同佢一齊之前已經認識, 所以唔算係「搵人」 。開房只係因為佢果次唔舒服, 對方陪佢去酒店休息, 對方好gentlemen咩都冇做過。佢話自己問心無愧, 如果唔係都唔會留低d msg俾我見到, 話我講到佢好污糟邋遢 。
上次嘈完到而家, 我地成個月都冇見過面。佢打黎同我講佢有左, 我問佢唔係有食開避孕藥咩, 佢話今個月太忙唔記得食停左。我而家個腦一遍混亂, 要唔要驗DNA? 定相信佢之前所講既「問心無愧」?
