都仲⼀齊緊都冇乜特別，只係有啲唏噓，唔知同邊個講好。
同男朋友拍拖兩年，頭⼀年係我好愛佢，好簡單好純粹，就係放工見下面然後各自返屋企都好開心好滿足嗰種。不過後面嗰年有段時間就係我每日都想分手。
中間喺我最投入最鍾意佢嘅時候，發現佢唔係認真拍拖，而且做咗啲令人想叫分手都唔過份嘅事(唔算出軌但主要*背地裏*做咗好多嘢冇尊重過我係佢女朋友呢件事)，事後我知道咗之後佢不斷挽留。我鳩噏咗好多無理取鬧嘅條件，本來諗住反正咁唔鍾意，都唔會肯做啲咩改嫁啦順便分咗手佢就算，點知佢又真係能力範圍做到嘅都做晒。
佢嗰次之後將自己所有嘢都畀晒我，時間、生活、錢，我⼀開頭都以為男人狗急跳牆乜都肯做，就睇佢可以堅持幾耐。於是講清楚我唔想理佢，只要唔阻到我生活佢想點就點，同埋話晒係自己曾經好愛唔介意付出嘅對象，嗰刻其實都狠心唔到即刻斬攬。
結果就係佢已經堅持咗成年。反而我好無奈，點解佢唔係喺⼀個人咩都畀晒佢嘅時候就好好珍惜，要心淡晒想走先知重要。 唔係唔欣賞佢做咁多嘢，平心而論冇見過身邊嘅人拍拖可以做到咁。 但我就係已經唔對佢有期望，所以嘢都預可能係假象嚟，亦會開始計算做對自己有利>對我哋段關係有利嘅事。
呢年內我有講過無數次唔高興嘅時候最多當同佢拍散拖，唔會同佢諗將來。但佢就處於個狀態例如知我想移民，佢之前一路唔肯出trip都會肯出，就係為咗r 份relocation嘅合約。 我唔明，人點解要咁犯賤，我已經冇心力回應佢而家嘅好。
我仲愛佢，有部分係因為咁之前唔敢分手好驚佢會好傷心好難過，但係我已經冇再對我哋嘅未來有期待好耐了。佢話佢已經唔係同我啱啱⼀齊嗰個佢，我都⼀樣唔再係同佢啱啱⼀齊嗰個自己。
轉載自 couplemurmur [gfmurmur11359]
