Home觀眾投稿點解永遠都有你阿媽份?

點解永遠都有你阿媽份?

文章分類

唔通要因為你阿媽而分手?

我男友媽咪係控制狂 列出一下佢對我講過過分既說話 :d𡃁妹個個差唔多樣架啦,我好難記住你個樣wo 、你個名好難讀啊,所以你叫咩名啊?(一齊左超過1年)、你住嗰度呢,洗唔洗一萬蚊租啊?(極度狗眼看人低mode)

有一晚我地2個係房訓覺,佢媽竟然直接開門入黎搵嘢?!佢攞完枝lotion 用完之後 竟然再入黎放返低!

有一次我沖完涼唔記得攞返走個bra,照掛左係廁所門後面就入左房訓覺。佢竟然拍門「呯呯呯」你條女想點啊?!(佢明知我係房入面… 呢件事我男朋友之後冇幫我解釋只係唔記得漏左 ,所以冇攞都算 ,當下佢仲要繼續訓覺當咩事都冇)講真… 佢媽都擺明想開我波 ,我可以點?

每一次男朋友放假,我都想拍下拖,簡簡單單又一日。然而,每次一起身就收到佢媽既電話問佢今日有咩節目?

每一次拍拖都必定有佢呀媽份 ,其實好相處既話 ,我真係唔介意 ,但佢呀媽根本想佔有佢個仔既一切,對我又呼呼喝喝 。

一齊左就快3年 ,男朋友唔覺得佢媽有任何問題。
但我而家既情況係 ,見到男友來電顯示係佢媽既時候 ,我會好panic,就好似知道自己將會再一次毫無反抗地被佢蹂躪 。

我都適婚年齡了 。呢件事我當然有同自己呀媽講過 ,佢叫我早日分手 ,大家又點睇?

轉載自 Couplemurmur [gfmurmur11512]

正在尋找認真的關係?