Home觀眾投稿30歲未拍拖不如試吓

30歲未拍拖不如試吓

習慣咗一個人生活,有自己嘅節奏

身邊好多朋友,屋企人見我成30歲都未拍拖就成日催我拍拖,有試過介紹比我,但我每次都話唔好啦唔好啦,過左一排朋友話佢有個人介紹比我,我仍然話唔好啦唔好啦,但佢好堅決,話當係識個朋友咁看待,係佢幾番說服下我話好啦…我話只係當識新朋友,最後比左我個contact對方。

一開始對方都會成日send message傾計,咁我本身唔係一個好多野講嘅人,唔識展開話題亦都唔識延續話題,但對方係一個好健談嘅人,好多野講,咁樣我開始有少少壓力,有時會諗唔到覆佢咩好,我都唔好意思,傾計開始多左。過左兩個月左右,開始發覺佢已經唔係當識朋友咁傾計,佢似係尼識女朋友,到依加傾左半年有多,其實我搵唔到個feel,相都冇見過唔好話真人……我係想由朋友開始做起,搵到大家夾的地方,搵到個feel再慢慢發展下一步。

其實對方都好好,果日去左邊會話我知,做左咩會話我知,食左咩會話我知,有時遲左冇覆會話我知因為果日太忙冇時間覆。

30年以來淨係鍾意過一個男仔,你問我想唔想拍拖?想嘅…但我唔係想咁樣開始,大家都唔了解大家,其實係咪我太保守?我係咪應該嘗試踏出第一步?先一齊再慢慢了解?還是放棄?等佢可以識其他女仔?

轉載自 couplemurmur @gfmurmur11567

正在尋找認真的關係?