我係開網店，佢係做設計，18歲嗰陣我同男朋友係fd 介紹識，姐係我最青春既時候識咗佢。但我視佢為結婚對象，依加一齊住緊。呢幾年大家都冇咩點鬧交，有咩事都係會拎出黎講，互相包容。佢亦好好仔，從來都唔會背住我flirt其他女。
我從來都唔追求名牌，由細到大都係自己想要既野會靠自己去買，唔會靠其他人，而佢就從來都唔會亂買野。作為一個女仔，唔好話女仔，作為一個人類，只係想間唔中收到一啲小禮物，好耐之前同佢講過，間唔中扭粒蛋比我就夠。但係我從來都冇收過‘’扭蛋‘’，簡單黎講佢真係好孤寒。以前會覺得因為佢未搵到多餘既錢，所以唔會買野，到依加一齊7年了，我收既禮物10隻手指數得曬，已經包括埋紀念日同埋生日。
有次買野，咁啱大家都要係同一間鋪買野，而且收銀條隊排到勁長，咁我就諗住一齊比，快啲比完錢咪走囉，去到佢比完錢，佢一句達埋黎：下，點解係我比(已經一齊6年幾了)我就同佢講，咁我比返現金你，好笑既位係佢唔收，但又成個怨婦咁。
上面講佢唔會亂洗錢，佢有比到個原因我，想儲錢結婚。但係有一日，個客過數比佢既時候我唔小心睇到佢銀行存款既金額，係6000幾。咁啲錢去咗邊呢？我從來都唔會過問佢有幾多存款，唔洗同我講佢去養小三，因為大家公司都係附近，返工，食飯，收工都會一齊，佢放假都係留係屋企打機。但其實孤寒都唔係令我心淡既原因。
上個禮拜，佢同我講佢細佬黎緊求婚，想我幫手，我都好登佢細佬開心。我諗諗下，之前拍拖3年幾既時候，大家有傾過到我25歲既時候會同我結婚，我每一年都好期待，心入面成日都諗，唔知佢會唔會無啦啦同我求婚呢，但係今年都過咗成半年，我都未等到佢同我開口，同埋大家日對夜對，睇得出佢完全冇為過將來打算。我將我最青春既時候放曬係佢身上，我唔想去到30歲既時候我要去重新識一個人，再浪費人生去了解一個人。我真係唔知點算好。
