女方27，我同佢係因為工作合作而認識，一開始只係whatsapp傾計，斷斷續續，未必會每日都傾。一開始知佢大我十五年，所以都冇咩幻想任何發展空間，只係當同一個前輩傾計學習。到後來會互相分享多d做緊咩事，開始keep住每日傾計。
到傾左2個月到，佢就主動約左我出黎食lunch，第一次正式食個飯，都好似係好朋友咁相處，對佢係開始有少少好感，但由於年齡都有一定差距，所以都真係好認真自己再沉澱對佢嘅感覺。後來發展到約食晚飯，發現大家諗嘅野，價值觀都好相似，最後，佢表左白，我地就一齊左。
呢一齊嘅3個月，真係好sweet，因為大家做野都好忙，一開始佢都好主動會抽時間出黎話想見我，但有時太突發約，我冇辦法推走接下嘅schedule，有時都會拒絕。一齊左一個多月左右，到我會主動約番佢。但發現每次約，佢都話唔得閒出黎，話工作同家事好忙，所以星期六日，甚至紅假都冇出到黎見，令我都覺得愈黎愈懷疑，其實佢係咪有另一個女朋友。
到最後，佢見隱瞞唔到，就同我坦白左，佢離過婚，有一個8歲小朋友需要佢去照顧。最近因為屋企人又有d事情，加上小朋友多活動日要接送，所以抽唔到身陪我。我當下聽左係好震驚，都唔知點比反應。第2日冷靜左，佢就同我解釋番，一開始以為自己平衡到屋企同對我嘅時間，但由於近日屋企有事，所以先會變到冇辦法同我食晚飯同安排週末時間陪我。等屋企事處理番好，就可以好似之前咁。而佢內心都好拉扯，一方面好想同我一齊，但又怕我接受唔到佢曾經有一段婚姻同一個小朋友，所以有好多次想同我講，但又唔敢開口。我明白每一個人都有難以開口嘅事，但冇諗過呢種事會發生係我身上。而偏偏我又真係已經愛上左佢，感情冇得好似熄電腦咁，一訓醒就冇事。
大家傾完，都覺得真係搵到一個自己鐘意，而對方又鐘意自己嘅人好難得。而放棄，大家都會好唔捨得，同真係講唔出口分手。佢希望我比d時間佢去處理好屋企事先，再睇下點同小朋友講。雖然最近佢都會whatsapp我，但唔知佢係咪太忙同太攰，回覆我嘅時候，都未必有之前嘅sweet。
而我都好糾結，應該用咩態度同方法去面對接下來嘅問題。如果有幸繼續一齊，我一定唔會當自己係後母，充其量只係會做小朋友嘅朋友角色。因為都唔想小朋友覺得大人迫緊佢，加上都好怕自己會比到壓力小朋友，令到佢唔開心。但同一時間，都唔知自己有冇足夠信心去經營呢後感情…
轉載自 Couplemurmur [gfmurmur11353]
