《Before We Go》係美國隊長Chris Evans第一套執導同主演嘅電影,比起《紐約愛未眠》、《午夜邂逅》,香港譯名《日出前邂逅》更嚟得貼切譯得有感覺。片中講述男主角Nick喺車站邂逅手袋被偷嘅有夫之婦Brooke,女主角深夜時份孤獨無援,估唔到竟然能同初相識嘅「美國隊長」互訴心聲。片中兩人同時面對愛情失敗,Brooke老公準備偷食,Nick久久不能忘記前女友,由Brooke對Nick嘅殷勤關心猜疑、到互相幫對方解決感情煩惱而傾訴鼓勵、敞開心扉,成為當晚彼此唯一嘅慰藉。雖然佢哋只係第一日認識,靈魂卻嚟得那麼近。隨住時間一點點流逝,兩人知道日出後就要分別,Nick雖然已經喜歡上Brooke,但佢最後都尊重Brooke決定,向丈夫傾訴重修舊好。「多謝你,多謝你令我知道呢一世我原來仲可以愛上其他人。」
你會同Brooke一樣心甘情願跟陌生人走嗎?如果對象係美國隊長可能真係會(笑)。錯嘅時間遇上對的人,人生其實有好多莫名奇妙嘅遭遇,但其實冥冥中遇上嘅人相遇相遭相愛或分離,都係令到一個人變得更完滿。無一段遺憾嘅經歷,就未必令人學會珍惜。
人與人的相遇是有原因的,冥冥中我們注定要找到彼此。
By #八十後已婚大叔