- 忌過份主動
愛情從來都係雙向，姑勿論事前喺交友app傾過幾多，又或者配對公司幫你搵一個條件幾相近嘅人；第一次見面，太狼死去表達自己幾鍾意對方，又或者展示自己有幾叻都係會好容易令到人哋反感。 - 忌Kam L裝束、忌P得太重手
並唔係話叫你着晒晚裝禮服，但係適當嘅裝扮係尊重對方嘅第一步，第一次見面冇人會唔外協，男士忌不收篇幅，gel吓頭去U記買件恤衫係基本；女士頭像P圖真係要留一手。請記住外協係人性，偽裝係唔尊重。 - 忌過分重視男女權公平主義
約第一次見面離不開食飯飲嘢，最容易跌入俾對方定義為Kam L陷阱。男士請記住唔好有AA概念，行多步先預請對方食飯，對方肯AA當係bonus，自己銀包覺得肉赤嘅咪揀間冇咁貴嘅餐廳，但請謹記呢個世界唔會有肯同你捱麥記捱一世嘅女人，不妨聽吓顧問意見，簡單成功率高啲嘅餐廳見面一定有原因。 - 忌查家宅
對方嘅職業收入係重要，尤其係對部份想結婚嘅女士。人揀你你揀人，第一次見面不如享受吓大家到底係咪同一個Vibe，即使對方係鑽石王老五，都要諗吓自己有啲咩條件適合對方。第一次見面問得太多財政狀況，只係會俾對方一種孤寒同埋物質嘅感覺。
講到尾Kam唔Kam，都係預想同現實嘅落差，每個人有自己嘅短處，亦都有自己吸引對方嘅地方。約會見面貌似好易，但其實背後都有好多學問，一個唔留神就俾人定義為Kam L。
交友認識對方，Meetata可以幫你做第一道防線，預先篩走一啲終極Kam L。單身嘅你不妨上嚟見吓我哋嘅顧問～
